《入雄心菩薩行論》第八品 修禪定(九)

བྱང་ཆུབ་སེམས་དཔའི་སྤྱོད་པ་ལ་འཇུག་པ།
《入雄心菩薩行論》
第八品 修禪定(九)
གང་ཚེ་བདག་དང་གཞན་གཉི་ག་། སྡུག་བསྔལ་མི་འདོད་མཚུངས་པ་ལ།
彼時自與他二者 不欲痛苦亦皆同
བདག་དང་ཁྱད་པར་ཅི་ཡོད་ན། གང་ཕྱིར་གཞན་མིན་བདག་སྲུང་བྱེད།
我與他有何分別 何故唯守護自己
གལ་ཏེ་དེ་ལ་སྡུག་བསྔལ་བས། བདག་ལ་མི་གནོད་ཕྱིར་མི་བསྲུང་།
若云他身之受苦 不能損我故不護
མ་འོངས་པ་ཡི་སྡུག་བསྔལ་ཡང་། གནོད་མི་བྱེད་ན་དེ་ཅི་བསྲུང།
未來自身受苦亦 現今為何須守護
བདག་གིས་དེ་ནི་མྱོང་སྙམ་པའི། རྣམ་པར་རྟོག་དེ་ལོག་པ་སྟེ།
若思我當感受苦 此為妄思邪顛倒
འདི་ལྟར་ཤི་བའང་གཞན་ཉིད་ལ། སྐྱེ་བ་ཡང་ནི་གཞན་ཉིད་ཡིན།
死後其他餘身亦 後時即是他身故
གང་ཚེ་གང་གི་སྡུག་བསྔལ་གང་། དེ་ནི་དེ་ཉིད་ཀྱིས་བསྲུངས་ན།
彼時誰之痛苦亦 應由自身而守護
རྐང་པའི་སྡུག་བསྔལ་ལག་པས་མིན། ཅི་ཕྱིར་དེས་ནི་དེ་བསྲུང་བྱ།
足之苦非為手苦 為何於彼應守護
གལ་ཏེ་རིགས་པ་མིན་ཡང་འདིར། བདག་ཏུ་འཛིན་པས་འཇུག་ཅེ་ན།
若此非睿智真理 於此融入之所謂
བདག་གཞན་མི་རིགས་གང་ཡིན་ཏེ། ཅི་ནུས་པར་ནི་སྤང་བྱ་ཉིད།
自他分別亦非理 盡心盡力應遠離
རྒྱུད་དང་ཚོགས་ཞེས་བྱ་བ་ནི། ཕྲེང་བ་དམག་ལ་སོགས་བཞིན་བརྫུན།
相續聚合之此等 如念珠軍隊虛妄
སྡུག་བསྔལ་ཅན་གང་དེ་མེད་པ། དེས་འདི་སུ་ཞིག་སྤང་བར་འགྱུར།
本來原無痛苦者 誰能遠離此苦耶
སྡུག་བསྔལ་བདག་པོ་མེད་པར་ནི། ཐམས་ཅད་བྱེ་བྲག་མེད་པ་ཉིད།
痛苦無主宰即是 自他全然無分別
སྡུག་བསྔལ་ཡིན་ཕྱིར་དེ་བསལ་བྱ། ངེས་པས་དེར་ནི་ཅི་ཞིག་བྱ།
為痛苦故應去除 故確是何須分別
ཅི་ཕྱིར་ཀུན་གྱི་སྡུག་བསྔལ་ནི། བཟློག་པར་བྱ་ཞེས་བརྩད་དུ་མེད།
為何全然之痛苦 應回遮無須諍論
གལ་ཏེ་བཟློག་ནའང་ཐམས་ཅད་བཟློག དེ་མིན་བདག་ཀྱང་སེམས་ཅན་བཞིན།
若應迴遮應皆除 不除自亦有情般
སྙིང་རྗེ་སྡུག་བསྔལ་མང་གྱུར་པ། ཅི་ཕྱིར་ནན་གྱིས་སྐྱེད་ཅེ་ན།
或問慈悲生眾苦 為何精勤令發起
འགྲོ་བའི་སྡུག་བསྔལ་བསམ་བྱས་ན། ཇི་ལྟར་སྙིང་རྗེ་སྡུག་བསྔལ་མང་།
有情痛苦思惟起 如是痛苦為何增
གལ་ཏེ་སྡུག་བསྔལ་གཅིག་གིས་ནི། སྡུག་བསྔལ་མང་པོ་མེད་འགྱུར་ན།
若能以一輕微苦 得以淨化眾多苦
བརྩེ་དང་ལྡན་པས་སྡུག་བསྔལ་དེ། རང་དང་གཞན་ལ་བསྐྱེད་བྱ་ཉིད།
則大悲者諸痛苦 為利自他令產生
དེས་ན་མེ་ཏོག་ཟླ་མཛེས་ཀྱིས། རྒྱལ་པོའི་གནོད་པ་ཤེས་ཀྱང་ནི།
是故花月嚴菩薩 雖知國王有害意
བདག་གི་སྡུག་བསྔལ་མ་བསལ་ཏེ། མང་པོའི་སྔུག་བསྔལ་ཟད་འགྱུར་ཕྱིར།
不求避除自身苦 為淨化眾生痛苦
དེ་ལྟར་རྒྱུད་ནི་གོམས་གྱུར་པ། གཞན་གྱི་སྡུག་བསྔལ་ཞི་དགའ་བས།
如是熟稔修相續 樂求淨化他眾苦
པདྨའི་མཚོ་རུ་ངང་པ་ལྟར། མནར་མེད་པ་ཡང་འཇུག་པར་འགྱུར།
蓮花湖中天鵝般 無間地獄亦樂入
སེམས་ཅན་རྣམ་པར་གྲོལ་བ་ན། དགའ་བའི་རྒྱ་མཚོ་གང་ཡིན་པ།
若是有情皆解脫 歡樂悉皆如海般
དེ་ཉིད་ཀྱིས་ནི་ཆོག་མིན་ནམ། ཐར་པ་འདོད་པས་ཅི་ཞིག་བྱ།
於此若是不滿足 唯欲解脫云何為
持明仁增塔欽仁波切新譯
持明仁增塔欽 https://chihming8.blogspot.com/